Ashaabul afadil, para alim ulama’ wa nahussu bi dzikri salerana se mulja ................
Se badhan kaule ta’dhimi jugan se badha kaule to’athi (4 kali)
Jugan sadhajenah kiyai-kyai se lain se dhan kaule tak bisa nyebbut aghi jugen se dhen kaule amulja’aghi
Para seppo, undangan muslimin-muslimat se hadir da’ ka’dinto tempat jugan se badhen kaule amulja’agi. Choirul anan...
Kabidhen, rassa ce’ parjughenah puji syukur ka’aghungan da’ ka guste Allah SWT, se ka’dimmah dhan kaule sadajah, kalaban ridha, petodhu, bellas neser epon Allah, dhan kaule sadajah kaganjar nikmat sehat, kaganjer nikmat sempat, sehingganah kalaban badanah nikmat seduwe’ dhan kaule sadajah sobung laen bisa nyambhedheni onjengan epon sohebul hajah salerana se mulja KH. Hubaidi Asnawi e dalem settong kaparduwan enggi ka’dinto HAUL epon Salerana almarhum KH. Asnawi Imam seampon adhimini dhan kaule sadajah.
Sekaduwe’kale epon, shalawat tor salam epon Allah mandher moghe tetepah tebah da’ panotopah para nabi, panotopah para rasul enggi ka’dinto gusti kanjeng nabi Muhammad SAW se ampon ngasteng dhan kaule sadajah mina zhulumati ilan nnur... (dari alam se petteng nojju da’ka alam se terak)
Para seppo, undangan muslimin-muslimat se dhen kaule amoljaagi !
Tarekah se badhi kalampan e baja seang samangken
1. Tarekah kabidhen pamaosan alfatehah
2. Esosol Tarekah se kepeng duwe’ enggi ka’dinto pamaosan ayat suci alqur’an
3. Pamaosan sholawatun nabi, minangka tartep opon tarekah se kapeng tello’
4. Tarekah se kapeng empa’ “dadabun dari ketua panitia”
5. Masok tarekah se kapeng lema’ sambutan-sambutan
6. Tarekah se kapeng enem mauidah hasanah
7. Pamaosan do’a menangka tarekah se keng-bingkeng
Para seppo, undangan muslimin-muslimat se dhen kaule amoljaagi !
Abele poleh da’ka tarekah se kapeng settung, pamaosan al-fatehah sebadi esampeyagi sareng.....................
De’ ka saleranah semoljeh bakto ka’ator.
Mander moga kalaban pamaosan alfateh se ghi’buru, acara ka’dinto ajelen kalaban samporna
• Malar moga se maos jugen se mearsa aghi kengengah ganjeran dari ajunan epon Allah SWT
Saka’dinto tarekah se ampon ajelen e are mangken, manter moga adaddiyakiya kasampornaan odi’ se lebbih sae monggu dhan kaule sadejeh.
Saka’dinto dari badan kaule sebagai pembawa acara, dari kabidhen kantos pongkasan manabi bada okara pamator se adaddiyaki songkan epon panggheliyen panjennengan sadejah, konglangkong de’ ka salerana semolja, den kaule nyo’on saporah se sobung bates
